1
Галоўная / Навіны / Навіны рэгіёна

Лепшыя работы Мінскай вобласці для фіналу фестывалю "АРТ-вакацыі" вызначаць у Слуцку

11.04.2019
Гала-канцэрт і падагульняючая выстаўка абласнога этапу рэспубліканскага фестывалю мастацкай творчасці навучэнскай і студэнцкай моладзі "АРТ-вакацыі - 2019" адбудуцца сёння ў Слуцку, паведамілі БЕЛТА ў Галоўным упраўленні па адукацыі Мінскага аблвыканкама.

Творчую феерыю на сцэне гарадскога дома культуры арганізуюць калектывы і індывідуальныя выканаўцы з 23 устаноў прафесійна-тэхнічнай і сярэдняй спецыяльнай адукацыі рэгіёна. Глядач зможа ў поўнай меры ацаніць іх майстэрства ў харэаграфічным, вакальным, фальклорным, тэатральным, інструментальным, арыгінальным жанрах і ў фальклорна-этнаграфічнай творчасці.

Сапраўдная галерэя арт-аб'ектаў, тэатраў моды, экспанатаў дэкаратыўна-прыкладной і мастацкай творчасці разгорнецца на інтэрактыўных пляцоўкай "Малой радзіме - творчасць маладых". Аматараў народнай музыкі парадуе сваімі выступленнямі народны інструментальны ансамбль "Нясвіжскія лыжкары" - лаўрэат спецыяльнай прэміі Прэзідэнта за ўклад у папулярызацыю музычнага мастацтва.

У журы будзе нялёгкі выбар: вызначыць самых дастойных, чые работы прадставяць сталічны рэгіён на рэспубліканскай выстаўцы. А лепшыя ўдзельнікі гала-канцэрта атрымаюць запрашэнні на заключны этап "АРТ-вакацый - 2019".

Чакаецца таксама ўшаноўванне ўстаноў прафадукацыі вобласці, якія за апошнія два гады асабліва вызначыліся на фестывалі.-0-

НАВIНЫ БЕЛАРУСI

Усе навіны