1
Галоўная / Навіны / Навіны рэгіёна

«Залатыя» беларусы: дзве перамогі ў заключны дзень этапу Кубка свету па фрыстайле ў Раўбічах

01.02.2021

31 студзеня завяршыўся хатні этап Кубка свету. Сёння атлеты спаборнічалі ў сінхронных скачках - адносна новым выглядзе лыжнай акрабатыкі.

У кваліфікацыі не абышлося без непрыемнасцяў. У беларускай пары Ала Цупер/Анастасія Андреянова, апошняя атрымала прыкрую траўму, якая перашкодзіла спартсменкам выступіць у фінальных спаборніцтвах.

Другі дзень спаборніцтваў аказаўся больш снежным, чым субота. Актыўная белая заслона стварыла некаторыя складанасці: схіл, куды прызямляліся спартсмены, з-за снежных ападкаў быў мяккім. Дасведчаныя фрыстайлісты ведаюць, што ў ім гразнуць ногі, складана адчуваць цвёрдую апору пры прызямленні. Першай на сабе адчула гэта адна з канадскіх спартсменак, дапусціла промах пры прызямленні. Аднак абышлося без траўмы.

На радасць беларускім заўзятарам, перамогу ў спаборніцтвах атрымалі беларуская пара Ганна Гуськова/Ганна Дзяруга. Хоць 17-гадовая Ганна Дзяруга і саступае ў вопыце сваёй цёзкі, але тут яна справілася на «ўра». Бездакорна выканаўшы элемент «Лэй фул» (падвойнае прамое сальта з піруэты ў другім сальта), сінхронна падняўшыся ў паветра на аднолькавай вышыні, нашы спартсменкі заслужана атрымалі залатыя медалі. На другім месцы апынулася канада-казахская пара, на трэцім - дуэт з Казахстана.

У мужчын на першым месцы апынуліся таксама беларусы. Павел Дзік і Станіслаў Гладчанка выступілі вышэй усякіх хвал: прызямленне, вышыня, сінхроннасць - усё было ў парадку ў элеменце «дабл фул фул». Спартсмены атрымалі заслужаныя 92,42 бала і залатыя медалі.

На другім месцы апынулася яшчэ адна пара беларусаў - Максім Гусцік і Андрэй Кузьмін. Трэцяе месца ў канадскай пары Міко Фантэйн і Эміль Трэба, якім усё ж удалося абысці нашых Макара Мітрафанава і Вячаслава Тимерцева.

Варта адзначыць, што ў спаборніцтвах другога дня не прынялі ўдзел шэраг зборных. Звязана гэта з тым, што некаторыя з іх адразу ж адправіліся з Мінска ў амерыканскі Дзір-Вэлі, дзе ўжо 6 лютага пройдзе чарговы этап Кубка свету.

Праз месяц, у пачатку сакавіка, у Казахстане пройдзе чэмпіянат свету па фрыстайле. Пажадаем нашым там поспехі, бо выступ у родных сценах напэўна дало хлопцам і дзяўчатам пазітыўныя эмоцыі. Верым у беларускіх спартсменаў і на фінішы сезону!

Усе навіны